Резидә Шәрәфиева: «Җырлый башлаганда, тавышым турында төрле сүзләр ишетергә туры килде»
![Резидә Шәрәфиева: «Җырлый башлаганда, тавышым турында төрле сүзләр ишетергә туры килде»](https://intertat.tatar/resize/shd/images/uploads/news/2023/9/10/64c682ed9a27110b1ee62bf205df7de0.jpg)
Татарстанның халык артисты Резидә Шәрәфиева «ТНВ»да чыгучы «Ком сәгате» тапшыруына кунак буларак килгән. Резидә Шәрәфиева сөйләвенчә, үзенчәлекле тавышы белән аерылып торганга, ул баштарак бик күп сүзләр дә ишеткән. Аның ир-атмы яки хатын-кызмы икәнен аермаучылар да табылган.
– Тавышымның сирәк тавыш икәнен үзем дә беләм. Бу турыда әйтүчеләр дә күп булды. Әле җырлый гына башлаганда, төрле сүзләр ишетергә дә туры килде. «Тавышы сәер, тәмәке тартадыр ул», – дигән сүзләр дә әйттеләр, – дигән җырчы.
Резедә Шәрәфиева үзенең тавышын бик яратуын әйткән.
Тыңлагач: «Ир-ат җырлыймы, хатын-кызмы икәнен аңлап булмый», – дисәләр дә. Калын булса да яратам мин тавышымны! Мин аны калынлыгын да, ничек аласы, ничек тапшырасы икәнен дә шулхәтле яратам, – дип сөйләгән артист.