Резидә Шәрәфиева башкаруында «Туган йорт» җыры

Туган йорт

1.Без сатмадык әти-әни йортын

Ызгышмадык дөнья бүлешеп.

Анда әти-әни рухы яши,

Җыелабыз хәлләр белешеп.

Кушымта:

Туган йортта бергә җыелганда

Юктыр кебек бездән бәхетле.

Гомеребез буе онытмабыз

Әткәй-әнкәй корган тәхетне!

2.Бар туганнар бергә җыелганда

Газиз йортның җылы түренә,

Киләчәккә барыр юлларыбыз

Ачыгырак, якты күренә.

3.Беркайчан да тәхет сатылмаган,

Ул сатылса ил дә сатыла.

Саклыйк әле туып-үскән йортны,

Әткәй-әнкәйләрнең хакына.