Танылган аш-су остасы, «Тәмле булсын!» татар халык ашлары китабы авторы, Татарстанның атказанган халыкара хезмәт күрсәтү өлкәсе хезмәткәре Резидә Хөсәеновадан тәмле салат рецептын тәкъдим итәбез.
Салат өчен: помидор, алма, сыр, сарымсак, каймак, лимон, яшеллек.
Помидорның башын кисәргә һәм өстенә кайнар су коярга, 3-4 минут торгач кабыгын салдырырга һәм турарга.
Алманы әрчергә һәм турарга. Алма төсен үзгәртмәсен өчен өстенә лимон согы сыгарга.
Соус өчен 2-3 аш кашыгы каймакка сарымсак сытарга, тоз һәм борыч салырга, лимон кабыгының сарысын уарга.
Помидор белән алма өстенә соусны салып болгатырга.
Табынга яшеллек белән бизәп, өстенә сыр уып бирергә.
