Танылган режиссер Георгий Данелия вафат. Аңа 88 яшь иде. Кайгылы хәбәрне беренче булып "Интерфакс" мәгълүмат агентлыгы җиткерде.
Режиссерның вафатын журналистларга хатыны Галина раслаган. "Георгий Николаевич яңа гына үлде", - дигән ул.
Апрель башында режиссерның хәле яхшыра дигән хәбәр булды, моны РБКга хатыны да раслаган булган. "Хәле бераз яхшырды, үзе сулый башлады", - дигән иде ул.
Бүген режиссерның йөрәге туктаган.
Георгий Данелия кино яратучыларга "Я шагаю по Москве", "Афоня", "Кин-Дза-Дза!" һәм башка фильмнары аша таныш.
Режиссерның "Ватан алдындагы казанышлары өчен" II һәм III дәрәҗә орденнары, күпсанлы кинопремияләре бар иде.
Режиссерның "Ватан алдындагы казанышлары өчен" II һәм III дәрәҗә орденнары, күпсанлы кинопремияләре бар иде.
