Резедә Әхмәтвәлиева бала табу тарихы турында: "Бик нык авырту белән дүрт сәгать үтеп тә киткән"
28 июнь — Фирдүс Тямаев һәм Резедә Әхмәтвәлиеваның уллары Раян туган көн. Шул уңайдан җырчы үзенең Инстаграм челтәрендә бала табу тарихын искә алган.
"Төнге сәгать 12. Бик авырсынып йөргәч сеңлем такси белән мине роддомга илтеп куйды. Елый-елый калдым сеңлемнән. Бик нык авырту белән 4 сәгать тә үтеп киткән.
Күк кукрәп, яшен яшьнәп яңгыр ява. Иртәнге 4 тә улым Раян бу дөньяга аваз салды. Шатлыгымнан еладым. Бала тапканнан соң, әз генә тәрәзәне ачтылар. Ул hаваның сафлыгы, аңлатып бетермәслек...Күкрәккә сыймады. Белмим ник шулай тыелды икән ул?! Шуннан соң бала таптыручы апа мина "коровка" конфеты белән сөтле чәй ясап бирде. Чәйнең тәмлелеге!!! Ул да аңлатып бетермәслек! (мин беркайчан да сөтле чәй эчмәдем, чөнки яратмыйм).
Дүрт көннән соң безне роддомнан чыгардылар. Баланы Нурлатка алып кайттык. Матурым Фирдус Тямаевның туган нигезендә балага исем куштырдык. Туй кебек мәҗлес булды. Уразаның беренче көнендә туганга күрә, исемне дә уразага бәйләдек, чөнки Раян җәннәткә алып керә торган җиденче капка исеме. Бу капкадан бары тик ураза тотучылар гына үтә ала", - дип язган Резеда Әхмәтвәлиева.
Улын туган көне белән котлап изге теләкләрен дә язган ул.
"Улым Раян, туган көнең белән сине, җимешем. Син безгә беренче тапкыр әти-әни булу бәхете бүләк иткән бала. Сәләмәт бул, бәхетле бул, киләчәктә бик укымышлы, хөрмәткә лаеклы бала булып ус!!! Без сине бик яратабыз", - дигән.
Улын туган көне белән котлап изге теләкләрен дә язган ул.
"Улым Раян, туган көнең белән сине, җимешем. Син безгә беренче тапкыр әти-әни булу бәхете бүләк иткән бала. Сәләмәт бул, бәхетле бул, киләчәктә бик укымышлы, хөрмәткә лаеклы бала булып ус!!! Без сине бик яратабыз", - дигән.