Ашханә һәм кафе-рестораннарда артык кычкырып сөйләшкән өчен закон нигезендә административ җаваплылык каралырга мөмкин, әмма практикада мондый очраклар бик сирәк була һәм аларны дәлилләү бик кыен. Бу хакта «Татар-информ»га юрист Намру Бакаев сөйләде.
«Сөйләшкәндәге тавыш дәрәҗәсен контрольдә тоту мөмкин түгел диярлек, шулай да Роспотребнадзорга яки учреждение җитәкчелегенә дәгъва бирергә мөмкин», – дип билгеләде юрист.
Учреждение хуҗалары карашынча, кунакларның артык кычкырып сөйләшүен туктату өчен махсус кагыйдәләр (регламентлар) булдыру кирәк, диелә бу хәбәрдә.