1 сентябрь – иң популяр алып баручыларның берсе Гөлназ Сәфәрова өчен икеләтә бәйрәм. Ул кичә үзенең туган көнен билгеләп үтте. Танылган шәхесне гомер бәйрәме белән тәбрикләүчеләр бихисап булган, әлбәттә. Гөлназ, хәтта, үзенә килгән хатларга җавап та биреп өлгерә алмаган.
«Котлауларыгыз, чәчәкләрегез өчен мең-мең рәхмәт. Җавап язып өлгерә алмыйм, үпкәләмәгез. Кочаклыйм сезне, минем кешеләр», – дигән ул.
Гөлназның сторисларындагы туган көн котлаулары арасында иң кызыгы – Ренат Галиәскәрдән килгәне. Оста гына, чын шагыйрьләрчә, башка хезмәттәш дусларын да мактаган, Гөлназга да үгет-нәсыйхәт биргән ул.
«Минем кебек акыллы бул!
Айваз шикелле тыйнак!
Чулпан сыман бик аз сүзле!
Алмаз төсле бик җыйнак!» – дип язып калдырган аңа шагыйрь.
