Разил Вәлиев: «Татарстан Конституциясе көнендәге моңсу уйлар»
Татарстанның халык шагыйре, язучы Разил Вәлиев Татарстан Республикасы Конституциясе көне турында моңсу шигырь иҗат иткән.
Илем хаста, телем аста…
Ни калыр оныгыма?
Тегермән ташы әйләнә,
Тик чыкмый оны гына.
Хөр мәмләкәт, хөр милләт, дип,
Ярсудан кайный каным.
Безгә нык таяныч булсын,
Өмет булсын Төп Канун!
