«Районнан кумасалар ярый инде…» — Фәрит Галиевтан вакцинация турында такмаклар
Мәҗлесләр алып баручы Фәрит Галиев вакцинация турында такмаклар җырлый. Заманулла Байбаш сүзләре, көе халыкныкы, дип язган ул.
«Районнан кумасалар ярый инде. Ошаса лайк куй, ошамаса — дошманыңа җибәр», дип тәкъдим итә Фәрит Галиев.
«Аллам сакласын, кумасыннар районнан, битлек киеп җырла!» — дип тәкъдим иткәннәр аңа.
Көн тудымы башка сугу –
Котырды бит нация.
Мәҗбүриме, әллә юкмы,
Бездә вакцинация.
Таҗлы вирусны җиңәргә
Бергәләшеп тотындык.
Вакцинасын кадаттык та
Җиңел генә котылдык.
Ихтыяри – мәҗбүри дип
Өстәгеләр котыра.
Районның ярты планын
Бюджетниклар тутыра.
Кемдер алды справка,
Анализлар тапшырды,
Шулай иткәч оешманың
Күрсәткече яхшырды.
Антитела булучылар
Вакцинаны кадатмый.
Андыйлар процент киметә –
Җитәкчеләр яратмый.
Иң мөһиме сәламәтлек
Туктамый алга барыйк.
Прививка кадатканнар
Исән-сау гына калыйк.
Эх, эпивак
Кадатсам шешә колак.
Кадатмасам вакытында
Булырмын микән дурак?