Районда лор табибы булмаса, РКБ һәм ДРКБ табибларына ничек эләгергә?
Сорауга РКБның отоларингология бүлеге башлыгы Марат Гыйләлев җавап бирде.
- Әлеге система инде көйләнгән. Пациент район үзәк хастаханәсенә мөрәҗәгать иткәннән соң, теләсә нинди терапевт, авыруның лор органнарында берәр авыру тапса, РКБга юллама бирә. Пациент әлеге юллама белән диагностика бүлегенә килә.
Авыруны вакытында тиешле учреждениегә җибәрмәү – беренче кабул иткән табиб җилкәсендә кала. Шуңа күрә алар бу эшкә җаваплы карарга тиеш.