Раяз һәм Рәсим Фасыйховларның әтисе каты авырудан соң вафат булган. Кайгылы хәбәр турында Раяз инстаграмда сторис куйган.
«Әти китте», — дип язган җырчы.
Бу хакта җырчының энесе Рәсим дә хәбәр итә. Ул әтисенең табын артында җырлап утырган видеосын куйган.
«Әти китте. Кунак кына шул барчабыз да. Рәхмәт, әти. Урыннарың Оҗмахта булсын», — дип язган музыкант.
Артистларның дуслары һәм инстачылар кайгы уртаклашкан. «Бик яхшы кеше иде Наил абый, урыны җәннәт түрләрендә булсын», — дип теләгән мәрхүмне белүчеләр.
