![Раяз Фасыйхов "Китәсең" җырын башкара](https://intertat.tatar/resize/shd/images/uploads/news/2018/10/19/b8d4b84f482811d582e43051682c8d684da75371012434c410ede3f1a4bb.jpg)
Рәмис Аймәт сүзләре
Урал Рәшитов көе
Язлар булып килеп кергән идең,
Көзләр булып китеп барасың.
Ерагая бара, ерагая
Безнең мәхәббәтнең арасы.
Кушымта:
Көзләр булып китеп барасың син,
Соңгы яфрак кебек талпынып.
Йөрәгемдә минем дөрләп яна
Көзге усакларның ялкыны.
Ерагая бара ант-вәгъдәләр,
Серле карашыңның җылысы.
Якыная… сине кочып алган
Күксел рәшәләрнең сулышы.
Кушымта.
Дөрләп яна минем йөрәгемдә
Үткәннәрнең һәрбер мизгеле.
Ул көннәрнең һәрбер мизгеле дә
Килеп табынырдай изгеме?!