Ваһапов фестивале гран-при иясе, Татарстанның атказанган артисты Рәнис Габбазов гаиләсе зур кайгы кичерә. Рәниснең әтисе Рәис әфәнде вафат. Бу хакта Ваһапов фондының социаль челтәрдәге сәхифәсендә хәбәр ителә.
«Гаҗәеп дәрәҗәдә ачык күңелле, гади, ярдәмчел, кунакчыл, бала җанлы кеше иде Рәис әфәнде. Рәниснең, аның гаиләсе, якыннары, иң беренче чиратта әнисе Гүзәл ханымның тирән кайгысын уртаклашабыз. Ходайдан сезгә күркәм сабырлык сорыйбыз.
Рәис әфәнденең урыны оҗмах түрләрендә булсын!» – дип язылган постта.
