Чечня башлыгы Рамзан Кадыров, Россиянең Украинадагы махсус хәрби операциясе 2023 ел ахырына кадәр бетәчәк, диде. Бу турыда ул Чечня республикасының тышкы элемтә, матбугат һәм мәгълүмат министры Әхмәт Дудаевка биргән интервьюсында әйткән, дип яза «Газета.Ру» сайты.
«Махсус операция ел ахырына кадәр бетәчәк. Европа дәүләтләре үз гамәлләренең дөрес түгеллеген таныячак, Көнбатыш тезләнәчәк», – дигән Кадыров.
Аның фикеренчә, Европа илләренә барлык тармакларда да Россия белән хезмәттәшлек итәргә туры киләчәк, чөнки аларның башка юллары юк.
