Рамил Закиров кызына нинди исем кушуын әйтте
Җырчы, әти булгач, тормышында яңа этап башлануы турында яза.
Рамил Закировның әти булуы турында язган идек. Җырчы хатыны белән нәни кызын бала тудыру йортыннан өйгә алып кайткан. Шатлыгы белән инстаграмда бүлешкән. «Кулымда сабыемны тотуның нинди зур бәхет икәнлеген аңлатып бетерә алмыйм. Безнең Амилә Рамилевна. Барыгызга да чиксез рәхмәтлемен, әнием-әтием, апам-җизни, әби-бабай, балдыз һәм барлык туганнарым, дусларым! Теләкләрегез үзегезгә меңләтә әйләнеп кайтсын! Ә безнең тормышта яңа этап башлана», — ди яшь әти.
Инстачылар бәхетле гаиләне котлап, сабыйның сау-сәламәт, акыллы, тәртипле булып үсүен телиләр.