Бүген Алия һәм Ришат Төхвәтуллиннар улларына исем куштырган. Сабыйга әти-әнисе Алим (Галим) исемен сайлаган.
Балага исемне Рамил хәзрәт Юныс кушкан. «Бүген Ришат Төхвәтуллинның улына исем куштым. Татарстан һәм Башкортстанның атказанган артисты Ришат Төхвәтуллинны һәм аның тормыш иптәше Алияне беренче балалары тууы белән котлыйм. Гаиләсенә һәм балага сәламәтлек, югары сыйфатлар, Аллаһка сыенуын һәм әти-әниләрен хөрмәтләвен телим!» – дип язган хәзрәт социаль челтәрдәге сәхифәсендә һәм бу вакыйгадан фото белән дә уртаклашкан.
«Алим, Галим – гарәп теленнән кергән ир-ат исеме. Тәрҗемәдә ул «бар нәрсәне белүче», «белемле», «галим» дигәнне аңлата», – дип сөйләгән Ришат Төхвәтуллин «Челнинские известия» газетасы журналистына.