Рамил Шәрәпов: Нормальный кеше җомга, шимбә өйләнә, мин дүшәмбе өйләндем
Шәрәповлар гаиләсе агач туйларын бәйрәм итә.
"Апрель ае безнең гаилә өчен бәйрәмнәрдән генә тора.12 апрель ЗАГСка бардык та Земфира белән, язылышып чыктык. Икәү генә идек, халык җыеп тормадык! 13 апрель туган көн булды. Нормальный кеше пятница, суббота өйләнә, мин ПОНЕДЕЛЬНИК өйләндем (минеке кешечә түгел). Чөнки графикта башка буш көн юк иде, гастрольләр. Иртүк Казанга барып, Мәрҗани мәчетендә никах укыттык (никах укыган мулла мине күргән саен сорый...торасызмы әле ди). Кич кайтып, Адав-Толымбайда (туган авыл) Раил абыйның «ТАМАК» кафесында нәни генә туй үткәрдек! Инде 5 ел үтеп тә киткән! Бүген безнең агач туй! Котлыйм, Матурым. 5 ел бергә. Аллага шөкер, 4 яшьлек улыбыз Раян, 2 яшьлек кызыбыз Линара бар. Менә ул бәхет", - дип язган Рамил Шәрәпов.