Рамил Шәрәпов Мальдив утрауларында концерт куярга җыена
Артистның тамашачысы да үзе кебек шаян, кызыклы комментарийлар калдырганнар.
«Фсююю!!! Салкында концерт куеп йөреп булмас, афишаларны җылы якка җибәрдем. 31 февраль - Мальдив утраулары! Концертыма көтеп калам. Билетлар сатуда», — дип язган артист аэропорт янында афиша тотып төшкән фотосы янына.
Рамил Шәрәповка Илсөя Бәдретдинова: «Мин дә афишаларымны җибәрим әле?» - дип мөрәҗәгать иткән.
«Шалтыратып әйттеләр, синеке афишасыз да сатылып беткән, апасы. Өстәмә концерт сорыйлар. Зур пальма төбен бронировать итимме?» — дип җавап язган Рамил Шәрәпов.
«Рамил, син беренче тапкыр концерт куеп кайт 31 февраль көнне. Концерт аншлаг белән узса, икенче юлы без дә барырбыз»;
«Мальдив утрауларында февраль 31нән киләмени? Бармыйча булмас!»;
«Шәрәпҗан булдыра. Ул бит Татарстаннан»;
«Концертка барырга теләүчеләр күп. Әйдәгез, самолетка бронь ясыйбыз»;
«Нурлатка кайчан киләсез? Әллә Мальдивка барыргамы сезнен арттан?» — дип шаярткан артистның тамашачысы.
Шулай ук «Куар-код кирәк буламы икән?» дип сораучылар да бар. Аларга: «Бер яфрак күрсәтсәң, кертәләр», - дип җавап язган берәү.