Рамил Шәрәпов: «Эче пошкан кешеләр дә юк түгел!»
Рамил Шарапов Тукай районы Теләнче-Тамак авылында куйган концертыннан өзекләрне инстаграмга сторис итеп элгән иде…
Ул сторисларда тулы булмаган зал күзгә ташлана. Шуны күреп, артистка: «Шул бер 35 тамашачыдан да арттырмыйсыз бугай инде», «Унбиш кешегә концерт куеп йөрисең инде», — кебек хатлар килгән. Рамил боларга җавап итеп: «Эче пошкан кешеләр дә юк түгел! Күпме килә — барысы да минекеләр, ” — дип язган.
Дөрес, кеше саны аз булса, билетлар сатылмаса, тамашаны күрсәтмичә, яисә билгеле бер вакытка кичектереп, хәтта, килеп тә, кире борылып кайтып китүче артистлар да бар. Шәрәпҗан образында шактый ук танылган Рамил андыйлардан түгел, димәк. Афәрин!
