Рамил Шәрәпов: «Артистларны эшләтмиләр, мин балалар бакчасына йөри башлыйм»
Юмор остасы социаль челтәргә «Шарапҗан маҗаралары» турында яңа видеолар куеп тора.
Май бәйрәмнәреннән соң күпчелек халык эшкә чыкты, балалар бакчасы эшли башлады. Тик артистларның үзизоляциясе дәвам итә. Юмор остасы Рамил Шәрәпов хатыны белән шул темага видео төшергән.
Рамил хатыны белән әңгәмә кора.
Нишлибез соң?
Син нишлисеңдер… Мин малай белән балалар бакчасына йөрим. Ашаталар, йоклаталар.
Кеше көлдермә инде. Сине анда кем кертсен?
Мин малайның аниматоры булып барам. Мин — Шарапҗан-үрмәкүч, бер тәлинкә ботка өчен балаларның күңелен ачам. Син дә барам дисәң, бегемот костюмы алдым.
«Шарапҗан маҗаралары»н көн саен көтеп алучылар «син чын артист», «көн саен халык күңелен күрәсең», «гениально» кебек комментарийлар язган һәм күпсанлы рәхәтләнеп көлгән смайлик, алкышлар калдырган.