![Рамил Шәраповның яңа клибы халыкның күңелен күтәргән: «Булмады»](https://intertat.tatar/resize/shd/images/uploads/news/2024/6/20/2e01498fe226ad0ab9ee136a2408d971.jpg)
Шәрәпҗан образын дөньяга таныткан юморист Рамил Шәрапов «Булмады» дигән яңа җырына клип төшергән. Ул аны, Шәрәпҗанның яңа җыры, дип белдергән.
«Шәрәпҗанның яңа җыры чыкканга 13 көн булды! 13 көндә безне 152 мең кеше тыңлады. Әбиләр тыңлый торган җыр түгел, канишны», – дип язган ул социаль челтәрдәге сәхифәсендә.
Яңа клип халыкның күңелен күтәргән, комментарийлар шул хакта «сөйли». «Шәрәпҗан, көлдереп үтерәсең», «Шәп булган бу! Афәрин!», «Супер артист», «Син дә булсын, шәп тә булмасын», «Әби булсам да тыңлыйм әле. Супер», – дип язып калдырганнар.
Ә нәрсә булмаганын клипны карагач белерсез...