Юмор остасы Рамил Шәраповның ачуын чыгарганнар. Шәһәр читендәге төзелеп килә торган йортына килеп, артист шаккатмалы күренешкә тап булган. Юлларны чистартучы тракторчы бөтен бистә карын артистның бакчасына ташыган.
Җәмәгать, менә шундый кызыклы хәл булды бит әле. Без килгәнче, тракторчыга кем нинди команда биргәндер, безнең йорт аша кереп, бакчага бөтен кеше карын ташыган. Галәмәт… Аңламыйм… Без әлегә монда яшәмибез, рәшәткәләребез, коймаларыбыз юк. Ләкин болай ярамый бит инде. Телефон аша бик үк күренми, ләкин монда – тау өстендә тау. Трактористны туктаттым да: «Нишлисең син?» – дим. «Шәрәпҗан, утыр», – ди, әле нинди проблема икәнне аңламыйча. Менә хәзер кире чыгарттырабыз.
Йортны да таба алмый идек. Бернинди рөхсәт соралмады. Тракторист, поселоктагы кешеләр әйтте, ди. Алардан сорыйм, белмәмешкә салышалар. Йортта иң беренче туалет, ванна түгел, койма кую ягын карагыз, – дип киңәш иткән Рамил йорт салучыларга.