Популяр юмор остасы Рамил Шәрәпов социаль челтәрләрдә бик актив булса да, шәхси тормышын, хатынын чит күзләрдән яшерүне кулайрак күрә. Рамилнең тормыш иптәше үзе дә фото-видеоларда күренергә яратмый икән.
Йортларында барган ремонттан «качып», Рамил белән Земфира урман һавасы сулап кайтырга чыгып киткән. Табигать кочагындагы сторисларында Земфира күренмәгәч, виртуаль дуслары артистны тагын «хатынын таптырып» аптыраткан булса кирәк. Рамил, аңламаганнар аңларлык итеп, болай дип язып куйган:
«Земфирочкага килгәндә… сразы әйтәм, фото-видеога төшәргә яратмый. Бу не обсуждается. Болай ничава гына яшәп ятабыз. Сабыр, тыйнак. Көнләшеп тормый, белсә, суга да ега», – дигән ул.
Рамил «Интертат»ка интервьюда да тормыш иптәше Земфира хакында сөйләгән иде.