Рамил Шәрәповның «Красопетка» клибы чыкты. Бу хакта ул социаль челтәрдәге шәхси битендә хәбәр итә.
«Һәр мәхәббәт корты үзенең красопеткасына багышлап җырлый ала торган җырны, кызган килеш клибын да тотыгыз. Бу җырның сүзе белән көен нык «температорный» ике дустым Ренат Галиәскәр белән Илдус Дәүләнов борычлап-тозлап язып биргәнен сизмәгән кеше юктыр инде. Шәп булганмы?», – дип язган юмор остасы.
Шәрәпҗанның клибын беренче булып иҗатташ дуслары бәяләгән, аннары виртуаль дуслары да ошатулары турында комментарий калдырган.