Татар эстрадасы артисты Рамил Шәрәпов Шәрапҗан образында бүгенге көн кадагындагы темага видео төшергән.
«Хатын! Мин кайттым. Мине алмадылар», – дип, зур сумка асып кайтып керә Шәрапҗан.
«Ничек алмадылар? Шунда да алмыйлармы сине? Нинди бернәрсәгә яраксыз кеше соң син?» – дип аптырый хатыны.
«Беләсең килсә, анда тиз чабарга, сикерергә, «кувырек» ясарга кирәк. Ә мин керүгә үк егылып, арт шәрифемне җәеп яттым. Нәрсә, син циркка болай гына алырлар, дип уйлаган идеңме? Үзең бар! Син әйбәт тәгәрисең», – ди Шәрапҗан хатынына.
Халык видеоның азагы болай тәмамланачагын көтмәгән, ягъни «циркка барган» дип уйламаган.
«Шәрапҗан, невалнавай безне»;
«Шаярып йөрсәң, алып та китәрләр»;
«Иии, ярый алмаганнар, алсалар нишләр идең»;
«Күпме түләдең»;
«Бик кызык. Алмаганнар», – кебек комментарийлар калдырган артистның виртуаль дуслары.