ТНВ телеканалындагы «Sиннән миңа сәлам» тапшыруына кунакка килгәч, җырчы Рамилә һәм Рамил Хәйрединовларга алып баручы Айгөл Хәйруллина кызыклы сорау биргән.
«Болгар» радиосының Милли музыкаль премиясен тапшыру тантанасында сезне бергә күрергә чиксез шат булачакбыз. Ләкин минем Рамиләгә кагылышлы бер соравым бар. Ә бәлки әле, минем генә түгел, тамашачының да бардыр ул соравы. Рамил, ачуланма, минем кайчандыр Рамиләне – башка егет, башка Рамил белән күргәнем булды. Кем иде соң ул егет, Рамилә?» – дип сораган ул җырчыдан.
«Моннан 28 ел элек «Буа моңы – 1996» бәйгесендә чыннан да башка Рамил белән бергәләп катнашкан идек. Ул – минем бертуганым, игезәгем», – дип аңлатма керткән Рамилә.
Җырчы пар да, Айгөл дә рәхәтләнеп көлешкәннәр. Айгөл Хәйруллина Рамиләнең игезәгенә зур сәлам юллаган.