Рамазан ае башлана: быел ничә сум фитыр сәдакасы һәм зәкят түләргә кирәк?
Татарстан мөселманнары Диния нәзарәте Голәмәләр берлеге карары нигезендә пленумда Татарстанда изге Рамазан аен уздыру тәртибе расланды.
![Рамазан ае башлана: быел ничә сум фитыр сәдакасы һәм зәкят түләргә кирәк?](https://intertat.tatar/resize/shd/images/uploads/news/2018/4/27/cfa7f683cd3b5e00bc50e264df08f1c057f5bd72b2a20c1567f922db9ae5.jpg)
2018 елда рамазан ае башлану вакыты 16 майга туры килә, ә беренче тәрәвих намазы Татарстан мәчетләрендә 15 майда укыла.
Быел иң аз күләмле фитыр сәдакасы 100 сум итеп билгеләнде, ә зәкят түләргә мөмкинлеге булучыларга фитыр сәдакасы 600 сумнан тәкъдим ителә. Ураза тота алмаучылар өчен һәр калдырылган көн фидиясе 200 сум күләмендә, дип хәбәр итте "Татар-информ".
Сәдакалар күләме пәйгамбәребез Мөхәммәд салләллаһу галәйһи вә сәлләм сүзләренә таянып һәм бодай, арпа ярмасы, хөрмә һәм йөзем җимеше бәяләреннән чыгып билгеләнә. Зәкят түләү өчен нисаб күләме алтын буенча – 210 мең сум, ә көмеш буенча – 18 мең сум тәшкил итә. Шулай ук 2018 елда Ураза бәйрәменең датасы расланды, ул быел 15 июньгә туры килә.
![](/resize/750/images/uploads/news/2019/11/17/716dd5422666f83bb42d54dfacb70919a83b8deb4795ede58cc281286ffb.jpg)