Татар эстрадасындагы яшь җырчы Рәфис Кәлимуллинның тормыш турындагы яңа җыры музыкаль мәйданчыкларга чыкты.
«Премьера – «Тормыш тәгәрмәче». Бу җырга аеруча зур көч куелды. Бәлки, тормыш сикәлтәле булганга бик нык игътибар иткәнмендер! Һәркемнең тормышында – үз тәгәрмәче, һәм дә бер дөрес юнәлештә тәгәрәтү теләге бар. Барыгыздан җыр турында фикерләрегезне көтеп калам», – дип язган җырчы социаль челтәрдәге сәхифәсендә.
«Тәгәрибез, тәгәрибез
Тормыш тәгәрмәчендә.
Туктамый чабабыз гына
Иртәсен дә, кичен дә...»
