Рафис Кәлимуллин үзәкөзгеч клип төшергән
Клип ялгыш адым ясаучы кыз турында бара.
Бәйрәмнәр алып баручы Рафис Кәлимуллин хитка әверелгән «Оныттым инде күптән» җырына клип төшергән. Клип кияү егетеннән качкан кыз турында бара.
«Мине белмәсәләр дә бу җырга кушылып җырлыйлар. Хит булды бу», — дип язган ул инстаграм сәхифәсендә.
Җырның авторлары — Нурсил Шәймәрдәнов һәм Булат Шәрипов.
Клип инстачыларның йөрәгенә тигән, алар «клип та, җыр да, җырлаучы да шәп», дип бәя биргән.
«Әллә үз йөрәгең аша кичердеңме?» — дип тә борчылучы бар.
«Матур җыр, әмма клипка туры килеп бетми», — дип фикерен белдергән берәү.
