Рәфинә Ганиуллинаның улы Сөләйман татарча матур итеп сөйләшүе белән сокландырган
Җырчы Рәфина Ганиуллина һәм гармунчы Рәзил Камаловларның улы Сөләйман кабарып пешә торган коймак рецептын күрсәтте. Бала рецептны аңлатканда матур итеп татарча сөйләшә.
Бу рецепт белән коймак пешерү өчен сода, шикәр, йомырка, җылы кефир, тоз һәм он кирәк.
«Башта мин ярты кашык сода салам. Бер кашык, тәменчә, шикәр салабыз. Бер йомырка сытабыз. Хәзер инде он кушабыз», – дип, рецептны сөйли бала.
«Үзең пешергән коймак бигрәк тә тәмле була икән. Дуслар, сез дә пешереп карагыз», – дип уртаклашты Сөләйман.
«Молодец та инде, саф татарча итеп сөйләшә. Әти-әни тәрбиясе»;
«Ай, нинди молодец»;
«Улыгыз бигрәк матур»;
«Егеткә «5»ле, әнисенә ике «5»ле», – дип мактаганнар социаль челтәрдә Камаловлар гаиләсен.