Рафил Җәләлиев белән Эльмира Гыйльфанова тормышчан җырларының премьерасын тәкъдим итә
Инстачылар җырны бигрәк тә яшьләргә тыңларга киңәш иткән.
Татар эстрадасының романтик пары — Рафил Җәләлиев белән Эльмира Гыйльфанова «Ачуланма» җырының премьерасын тәкъдим итә.
«Ниһаять! Барлык музыкаль мәйданчыкларда тыңларга була. Яңа җырның авторлары — Айгөл Вәлиуллина һәм Риваль Хисмәтуллин», — дип язган Рафил.
«Бик тормышчан җыр», «Котлыйм! Беренче нотасыннан ук җанга үтеп керде. Җырның сүзләре һәр кешене уйга салырлык, бик тә мәгънәле. Искиткеч матур җыр, бик матур башкарасыз!», «Шәп җыр. Бигрәк тә яшьләргә тыңларга кирәк. Ялгышлар эшләмәсеннәр. Балаларны ятим калдырмасыннар», — дип комментарий калдырган иҗади гаиләнең виртуаль дуслары.