Казанда танылган композитор, баянчы Альфред Якшембетов җырларыннан торган зур концертта яшь җырчылар Рафил Җәләлиев белән Эльмира Гыйльфанова җырлады. Гади генә җыр түгел, ә сәер җыр.
«Кереп торыгыз, хәзер минем интим була», – дип, Рафил сәхнәдәге баянчыларны кертеп җибәрде.
«Бер кунакка килгәч, Альфред абый безгә яңа җыр тыңлатты.
– Кемгә бирергә икән бу җырны дип, озак уйладым. Әйдәгез, сез җырлагыз.
(Үтмәс товарны бирер кеше тапты.)
– Сәер җыр инде, Испанияга барып кайткан идем, әллә шундагы ханымнар дәртлендерде. Менә шундый жыр туды.
– Испанча җырлый белмибез.
– Ә сез аны татарча җырлагыз.
Шулай итеп, җырчылар тамашачыга «Бары син» дигән җыр тәкъдим итте. Шәп җыр, халыкны кыздыра алды. Җырчылар чыгышларын дәртле биюләре белән дә тулыландырды.