Түбән Кама мэры Радмир Беляев БПЛА һөҗүменнән соң шәһәр халкына мөрәҗәгать итте. Бу хакта «Татар-информ» яза.
«Бу - барыбыз өчен дә бик зур хәсрәт. Түбән Кама районы халкы исеменнән һәлак булучыларның гаиләләренең кайгысын уртаклашам», – дип язган Беляев социаль челтәрдә.
Шулай ук ул, бу вазгыятьнең даими контрольдә тотылуын, зыян күргән бөтен кешегә дә медицина ярдәм күрсәтелүен, ә профильле хезмәтләрнең һөҗүм нәтиҗәләрен юкка чыгару эшен дәвам иттерүен дә өстәгән.