Радик Юльякшин (Элвин Грей) олуг җырчыларның җырларын башкаруын дәвам итә. Халык аның башкаруындагы «Уфтанма», «Әлдермешкә кайтам әле» җырларын яратып кабул итте. Җырчы хәзер иң популяр җырларның берсе – «Туй күлмәге»н яңа яңгырашта тәкъдим итә.
Әлеге җырга клип алдан әзер иде инде, ул Радик белән Инзиләнең туеннан иң кызыклы, матур мизгелләрдән җыелган.
Тамашачылар Радик Юльякшинны премьера белән котлаган, шулай ук шәп булуы турында комментарийлар калдырганнар.
