Рәҗәб аенда ураза тоткан кешегә нинди бүләк бирелер? Бу турыда «Татарча хәдисләр» телеграм-каналында язылган.
عن أَبي قِلَابَةَ يَقُولُ: «فِي الْجَنَّةِ قَصْرٌ لِصُوَّامِ رَجَبٍ». قَالَ أَحْمَدُ: «وَإِنْ كَانَ مَوْقُوفًا عَلَى أَبِي قِلَابَةَ وَهُوَ مِنَ التَّابِعِينَ، فَمِثْلُهُ لَا يَقُولُ ذَلِكَ إِلَّا عَنْ بَلَاغٍ عَمَّنْ فَوْقَهُ مِمَّنْ يَأْتِيهِ الْوَحْيُ، وَبِاللهِ التَّوْفِيقُ».
Әбү Кыләбә әйткән: «Рәҗәб аенда күп итеп ураза тотучылар өчен җәннәттә бер сарай бар».
Имам Әхмәд әйткән: «Бу сүзне тәбигыйннардан булган Әбү Кыләбә әйтсә дә, бу мәгънәдәге җөмләне үзеннән генә әйтә алмый, һичшиксез, ул бу сүзләрне үзенә вәхи килгән кешедән җиткерә. Тәүфыйк исә Аллаһы Тәгаләдән генә». «Шүгабул иман, 3521»
Имам Әхмәд, бу хәдисне Пәйгамбәребез салләллаһу галәйһи вә сәлләм үзе әйткән, дип саный.