Рөстәм Закиров һәм Люция Мусинаның уллары Айрат армия сафларына киткән
Җырчы Люция Мусина Инстаграм битендә улы Айратның солдат киеменнән төшкән фотосын урнаштырган.
«Айрат улым, исән-сау хезмәт итеп кайтырга язсын!» — дип язган җырчы.
«Нинди шәһәргә китте?» — дип кызыксынган бер инстачы.
«Мәскәү өлкәсе», — дип җавап биргән Люция Мусина.
«Исән-сау йөреп кайтсын. Юлларында гел яхшы кешеләр очрасын», «Эх, саксофончы малай ич бу! Хәерле сәгатьтә», «Хәерле юллар Айратка», — дип матур теләкләрен теләгәннәр җырлы гаиләнең виртуаль дуслары.
