Рөстәм Сайманов Россия футболында иң дәрәҗәле кешеләр исемлегенә керде
Сораштыруда клуб җитәкчеләре, уенчылар, тренерлар, табиблар, судьялар, журналистлар һәм футболга кагылышы булган башка кешеләр катнашкан.
«Рубин» футбол клубы президенты Рөстәм Сайманов Россиядә футбол өлкәсендә дәрәҗәле кешеләр исемлегендә җиденче урын алды. Рейтинг Sports.ru сайтында чыкты.
Сораштыру аноним рәвештә оештырылган. Анда 143 кеше — клуб җитәкчеләре, уенчылар, тренерлар, табиблар, судьялар, журналистлар һәм футболга кагылышлы башкалар катнашкан.
Исемлектә беренче урында РФС президенты Александр Дюков, икенчедә «Краснодар» президенты Сергей Галицкий, өченчедә ЦСКА президенты Александр Гинер, дип яза «Татар-информ».
