Рөстәм Нәбиев яңа машина алган
Паралимпияче, блогер, Башкортстан егете Рөстәм Нәбиев «MERCEDES GLS400d» машинасы алган.
Әлеге шатлыклы хәбәре белән ул инстадуслары белән дә уртаклашкан.
«Кайчандыр мондый машина турында хыяллана да алмый идем. Кызыбыз Әминә туганнан соң, зуррак, иркенрәк машина турында чынлап торып уйлана башладык. Бик күп вариантларны караганнан соң, нәкъ шушы модельдә тукталдык. Мин бу автомобильгә бер күрүдән гашыйк булдым.
Бүген, машинамның руле артына утыргач, күз яшьләрем тулды. Бу - бәхет, шатлык, үзем һәм гаиләм белән горурлану хисләре. Минем тормыш иптәшемә рәхмәт. Ул булганга гына мин бүген шундый тулы канлы тормыш белән яшим. Безгә һәрдаим ярдәм итеп торучы дусларыбызга, әти-әниләребезгә рәхмәт. Машинаның документларын тутырып бетергәч, әтигә шалтыраттым, аңа да бу шатлыгымны әйттем. Аның тавышында улы өчен горурлану хисләре чагыла иде», — дип язган ул.
Инстадуслары Рөстәмне һәм аның гаиләсен бу шатлыклы вакыйга белән тәбрикләгәннәр. Аларга хәерле, имин юллар теләп: «Сез моңа лаек», — дип язганнар алар.