Рөстәм Миңнеханов: "Улым!"
Татарстан Президенты Рөстәм Миңнеханов “Инстаграм”дагы битенә гадәти булмаган фото элде.
Рөстәм Миңнеханов, гадәттә, иртәсен Хөкүмәт йортындагы эш бүлмәсеннән Ирек Мәйданы күренешен фотога төшереп куюдан башлый. Көн дәвамында ул эшлекле очрашулар һәм эш сәфәрләреннән дә фотолары белән бүлешә.
Бүген Президентыбыз “бит”енә улы Искәндәрнең фотосын элде. Әтиләрчә кайгыртып, бары бер сүз белән “Улым” дип шәрехләгән ул фотоны.
Рөстәм Миңнехановның язылучылары малайны төс-кыяфәте белән әтисенә охшата. Аңа озын гомер, иманлы, игелекле бала булып үсүен тели.
