Рөстәм Миңнеханов штрафларга ташламаларны бетерү турында нәрсә әйтте?
Рөстәм Миңнеханов штрафларга ташламаларны бетерү турында нәрсә әйтте?
Кичә ел йомгакларына багышланган матбугат конференциясендә Рөстәм Миңнеханов юл йөрү кагыйдәләрен бозган өчен штрафларда 50% ташламадан баш тартуның мәгънәсен аңлатты.
Президент әлеге штрафлар кагыйдәләрне бозучыларны тыеп тору элементы булып калырга тиеш дигән фикер әйтте. Ташламалар юлларда авария очракларын киметми, - диде ул.
"Мин спорт мастеры һәм автомобильнең юлда үзен ничек тотканын беләм. Штрафларга ташлама керткәннән соң юлларда вазгыять үзгәрмәде. Кайберәүләр хакимият кагыйдә бозучыларның акчасын алырга тели, диләр. Әмма кемдер кагыйдә бозучыларның иртәгә кемнеңдер гомерен алырга мөмкин булуы турында уйлый микән?" - диде Рөстәм Миңнеханов.