Рөстәм Асаев янәдән әти булды
Бүген җырчы, Татарстанның һәм Башкортстанның атказанган артисты Рөстәм Асаевтан шатлыклы хәбәр килеп иреште.
«Интертат» ка мәгълүм булганча, Рөстәм Асаевның гаиләсе ишәеп киткән, тормыш иптәше Айгөл Казанның 1 номерлы бала тудыру йортында ир бала тапкан. Сабыйга әле исем сайламаганнар. Рөстәмнең балалары бик матур исемле — Гөлназ, Мөслим, Әминә, бәбигә бу юлы да шәп исем кушарлар дип уйлыйбыз.
Казан шәһәр филармониясе коллективы Рөстәм әфәнде һәм Айгөл ханымны ихластан котлап, баланың сәламәт, игелекле, бәхетле булып үсүен тели.
