Рәнис Габбазов "Голос" тапшыруында катнашачак!
Ваһапов фестиваленең Гран-при иясе Рәнис Габбазов "Беренче канал"да популяр булган "Голос" проектында катнашачак. Бу хакта ул үзенең Инстаграм битендә хәбәр итте.
"Мин "Голос" проектында катнашырга әзерләнәм! Кадерле дусларым-туганнарым! Мин чыннан да "Беренче канал"да баручы, бик популяр "Голос" проектында катнашырга әзерләнәм. Моның турында инде әллә кайчан уйлап йөри идем, дөресен генә әйткәндә.
Янымда басып торучы Динә Гариповага менә дигән мисал өчен рәхмәт!
Әлбәттә, мин ул конкурста татар җырын җырларга җыенам. Әмма ниндиен җырларга, кайсы җыр нәкъ минем башкаруымда отышлырак буласын әле уйлап бетермәдек. Булышыгызчы", - дип мөрәҗәгать иткән Рәнис Габбазов.