Рәфис Атаказов бакчага утыртырга бәрәңгенең кышкы сортын эзли
«Бәрәңгене Раштуадан соң утыртырмын», - ди ул.
Рәфис Атаказов бакчасында төшерелгән видеоны инстаграмга куйган. «Кышкы сорт бәрәңге бармы ул», — ди сорый җор телле Рәфис.
«25 декабрь. Артымда ямь-яшел. Төнлә яңгыр явып китте. Тузан юк, саф һава, суларга рәхәт. Бакча буенча йөрим әле. Минәйтәм, бәрәңге утыртырга иртәрәктер әле. Раштуадан соң утыртырмын. Кайсы якка утыртыйм икән дип карап йөрим әле», — ди ул.
Рәфис инстачыларны якынлашып килүче Яңа еллар белән котлый. «Кар да, чурт та юк. Матур», — ди ул.
Инстачылар шаяртуны аңлаган. Бәрәңге утыртышырга килергә теләк белдерүчеләр дә бар.
«Сезне күргәч, кәефләр күтәрелеп китә», «әлегә чәчәкләр утырта тор», диләр.