Рәфис Атаказ коронавирустан саклану өчен өйдә дә битлек киеп куйган
Аннары Рәфис «май яга» торган гимнастика ясый һәм биеп тә ала.
Татар блогеры Рәфис Атаказның бүген кәефе шәп, аның сторисы шул хакта сөйли. Ул иртән 32 минут үзенә багышларга булган. Битенә яшәртә, дымландыра торган битлек куйган.
«Коронавирус вакытында өйдә дә битлек кияргә һәм 1,5 метр дистанция сакларга инде. Үз-үзеңне яратырга кирәк», — дип киңәш итә ул.
Аннары Рәфис «май яга» торган гимнастика ясый һәм биеп тә ала. Тик туганы аңа бөтен көнне үзенә багышларга өмет калдырмый, эш куша.
«Рәфис, обойны ябыштырып бетер, ашарга да пешереп куй инде. Әлбә, хәлвә, бәлеш, өчпочмак һәм алтыпочмак», — дип эшкә чыгып китә сеңлесе.
