Рәфинә Ганиуллинадан үзенчәлекле пирог рецепты
Пирогны ромашка ясаган сыман арасын 2-3 см калдырып, уртага ук җитмичә кисеп чыгарга.
Камыр өчен: 2 йомырка, сыер мае, чүпрә, шикәр комы, он.
Ингредиентларны чама белән алып камыр басарга һәм кабарырга куярга. Аннары өч җәймә ясарга.
Эчлек өчен: аджика (лечо сыманрак), песто соусы, ысланган тавык ите.
Беренче җәймәгә аджика ягарга, өстенә шакмаклап туралган тавык ите салырга, өстенә камыр.
Икенче җйәмә өстенә песто соусы һәм тавык ите, өстенә тагын бер җәймә куярга.
Ромашка ясаган сыман арасын 2-3 см калдырып, уртага ук җитмичә кисеп чыгарга. Аннары таҗларны 180 градуска борып куярга.
Әзер пирогны йомырка сарысы белән майларга мөмкин. Духовкада пешерергә.
