Рәфинә Ганиуллина ясалмалыкка зарлана: "Ихлас кешеләрне очратсак - шаккатабыз, артык дини булып кыланабыз"
Рәфинә Ганиуллина ясалмалыкка зарлана: "Ихлас кешеләрне очратсак - шаккатабыз, артык дини булып кыланабыз"
Рәфинә Ганиуллина ихласлык беткәнгә зарлана: "Кызык заманда яшибез.. Татар кешесенең татарча сөйләшүенә аптырыйбыз, гомумән, ихлас кешеләрне очратсак - шаккатабыз, мондый затлар да бармыни әле дибез, кайвакыт артык «Дини» булып кыланабыз, үзебез дә сизмәстән, ниндидер «шулай кирәк» дигән кысаларга үзебезне кертеп тутырабыз... Үз йөзеңне югалтмыйча, әкият белән чынбарлык арасында ничек яшәргә соң?" - дип язган ул.
Укучылары Рәфинәгә үзе булып калырга киңәш итә:
"Күңелең белән шатлана да белергә, Ходайга да ышана белергә кирәк. Кешегә ярарга тырышып яшәргә ярамый. Күңелең ничек куша, шулай яшә".
"Төчелек, ясалмалылык туйдырды бит инде... Ихласлык күңелгә якын инде. Ярамый да кешенең тәрбиясендә булырга тиештер, ә кемнәргәдер ярарга тырышып яшәү дөрес түгелдер ул. Аллаһ Тәгалә дә күңелдә булырга тиеш".
"Кеше арасында яшәгәч, кешечә яшәргә инде, күңелең теләмәсә дә ярарга, яраклашырга туры килә дөнья булгач. Мин генә дөрес дип яшәп булмый".
