Рәфинә Ганиуллина: «Гаиләне 25 елга алынган ипотека нык итеп тота»
Җырчы туй фотосын куйган.
Рәфинә Ганиуллина ире Рәзил Камалов белән туй көнендә төшкән фото куйган.
«Яши-яши ирең дә иң якын дустыңа әйләнә икән. Интернетта „бу куркыныч“ дип язылган, янәсе, дуслык җепләре сөю ялкынын сүндерергә сәләтле. Белмим, дус булмаган чаклар гаиләнең таркалуына да китерергә мөмкин бит. Ярый әле гаиләне ныклы итүче 25 еллык ипотека бар», — дип тә язып куйган җырчы.
Иҗади гаиләнең виртуаль дуслары бәхет, сәламәтлек, тигез тормыш, зур уңышлар теләгән. Шулай ук «Сез күз явын алырлык пар», дип соклануларын да белдергән инстачылар.
«Эх, яшьлек! Безнең дә бар иде шундый чаклар», — дип тә көрсенеп куйган берәү.