Коронавирус ничек үзгәрде? | intertat.tatar

Коронавирус ничек үзгәрде?

2019 елның азагында барлыкка килгән авыру шактый үзгәрешләр кичерде.

Коронавирус мутацияләнә, яңа штаммнары барлыкка килә. "АиФ" язганча, иң башта ис сизү югалу төп симптом булса, хәзер борыннан агу, тамак авыртуы, эч китү күзәтелә.

«Мәскәүнең Филатов исемендәге 15 номерлы хастаханәсе баш табибы Валерий Вечорко әйтүенчә, "Дельта" штаммы "Ухань" штаммына караганда йогышлырак һәм авыру тизрәк башлана.

Коронавиурс белән кемнәр күбрәк авырый?

Вакцинацияләнмәгән 50 яшьтән өлкәнрәк хатын-кызлар авыруларның күпчелеген тәшкил итә. Гадәттә авырый башлаганнан соң бишенче тәүлеккә кешенең хәле кискенәя икән.

"Элекке" коронавируска караганда хәзер яшьләр һәм хатын-кызлар арткан. Элек коронавирус организмга эләккәннән соң кешене аяктан екканчы шактый вакыт узган булса, хәзер чир кешене мизгел эчендә аяктан ега.

Инде искәртелгәнчә, яңа штамм вакытында кешенең ашказаны-эчәк эшчәнлеге бозыла.Тәм, ис сизү симптомнары азрак күзәтелә.