Макаронны җылытып ашарга ярыймы?
Җылытканда ризыкта ирекле радикаллар барлыкка килә.
Медицина фәннәре докторы, табиб-диетолог Марият Мухина макарон ризыкларын әзерләгәч тә ашарга, искесен җылытып ашамаска киңәш итә. Бу турыда ул Спутник радиосына интервьюда сөйләгән.
Табиб сүзләренчә, макарондагы крахмал җылытканда модификацияләнә, начар эшкәртелә. Аеруча микродулкынлы мичтә җылыту начар.
«Кабат эшкәртү нәтиҗәсендә, аннан электроннар аерылып чыга дияргә була. Шулай итеп макаронда ирекле радикаллар барлыкка килә. Ирекле радикаллар — күзәнәкләрдә мутация китереп чыгара торган матдәләр, бу — зарарлы матдәләр. Аларны организмнан чыгару, нейтральләштерү өчен антиоксидантлар „тау кадәрле“ кирәк була», — ди ул.
Табиб сүзләренчә, макаронны бодайның каты сортлары, карабодай, соядан ясалганын алу хәерле. Көрпә оныннан ясалган макаронда витаминнар күп була.
Әгәр кеше симез булмаса, аңа рационга макарон кертергә кирәк. Аны көннең беренче яртысында ашау хәерле. Каты оннан ясалган эшләнмәләрне кичен дә ашарга ярый, диелә РЕН ТВ хәбәрдә.