Кул биреп күрешкәндә коронавирус иярәме?
Вирус йоктырудан саклану өчен кешеләргә кулларын ешрак юарга, авыру ихтималы булган кешеләр белән кул кысышудан һәм башка якын контактлардан сакланырга кирәк.
Бөтендөнья сәламәтлек саклау оешмасы белдерүенчә, кул биреп күрешкәндә вирус йокмый. Шуңа күрә кул кысышулардан куркырга кирәкми. Ләкин монда да бер искәрмә бар — ике кеше дә кулларын юган булырга тиеш. Чөнки кулларны яхшылап юу гына вирус һәм бактериаль авырулардан ышанычлы саклый. Бу хакта РИА Новости яза.
Коронавирус таралмасын өчен оешма җитәкчеләренә эш урыннары гигиенасына һәм чисталыгына игътибар итәргә кушалар. Өстәлләр, урындыклар, телефоннар, клавиатуралар, култыксалар һәм ишек тоткалары даими сөртелеп торырга, ә дезинфекция чаралары гел кул астында гына булырга тиеш.
Вирус йоктырудан саклану өчен кешеләргә кулларын ешрак юарга, авыру ихтималы булган кешеләр белән кул кысышудан һәм башка якын контактлардан сакланырга кирәк. CDC битлекләрен киеп йөрү вирус йоктырмаган кешеләр өчен әллә ни нәтиҗәле алым түгел. Беренчедән, медицина битлекләренең COVID-19 вирусын үткәрмәве исбатланмаган. Икенчедән, күпчелек кеше битлекләрне дөрес кулланмый, еш кына аны күчерә, ача һәм битләренә кагылалар. Ләкин әз генә булса да хәлсезлек сизгән кешеләр өчен битлек киеп йөрү мәҗбүри, дип кисәтә табиблар.